மரக்கல் மன்னன்...கோகுலத்தில் சூரியன்....

Our sincere thanks to Mr.VENKAT 
for his special best performance in this Post 
and this Post especially dedicated to VKS&VAS

மங்குனி: மன்னா எங்கே அவசர அவசரமாக சென்று கொண்டிருக்கீறீர்கள் மன்னா?
ஏமராமன்னன்: போகும்போதே கேள்விகேட்டுவிட்டாயா...
ம்ம்ம்..போகிறகாரியம் கூமுட்டையா போகாம கொய்யா பழமானா சரி.....
மங்குனி: அப்படி என்ன ஒரு அதிமுக்கிய வேலைக்கு செல்கிறீர்கள் மன்னா...
ஏமராமன்னன்:மீண்டும் கேட்கிறாயா...   நீ மங்குனி என்பதை மீண்டும் மீண்டும் நிருபீப்பதில் உனக்கு நிகர் நீயே..நான் குருகுலத்துக்கு போகப்போகிறேன் நம் அண்டைநாட்டு மன்னர் கோகுலத்தில் சூரியன் வெங்கட் ஒன்றாம் வகுப்பு தேர்வு எழுதியிருக்கார் அல்லவா அதன் முடிவு இன்று வெளிவரப்போகிறது...அதை தெரிந்து கொள்ள செல்கிறேன் மங்குனி...
மங்குனி: என்ன வெங்கட் முதியோர் கல்வியில் பயில்கிறாரா மன்னா...
ஏமராமன்னன்: இல்லை இலலை அவர் முதலாம் ஆண்டு கல்வியை முடிப்பதற்குள் அது முதியோர்கல்வியாகிவிட்டது மங்குனி....
மங்குனி:ஹா ஹா ஹா....அடித்தளம் ஆழமாக பதித்து விட்டார் போல மன்னா...
ஏமராமன்னன்: என்ன ஏளனம்....இது மட்டும் அவர் காதில் விழுந்தால் உன் டங்குவாரை கிழித்துவிடுவார் ஜாக்கிரதை......

- - - - - -

இடம்: குருகுல கிரவுண்டு

அனைத்து மன்னர்களும் மன்னிகளும் மொத்தப்பல்லும் தெரிய சிரித்துக்கொண்டு சூரியனுக்கே ஏரோப்ளேன் விட்டமாதிரி ஒருத்தருக்கு ஒருத்தர் கை கொடுத்துக்கொண்டனர்.

கோகுலத்து மன்னர் வெங்கட் மனதுக்குள் ”என்னைப்போலவே ஒன்றாம் வகுப்பில் 30 வருடங்கள் பெயிலான பன்னிக்குட்டி கூட பாஸாகிவிட்டாரே....அட ரெண்டு லட்டு போட்டா அதான் எட்டுன்னு சொல்ற வெளங்காதவன் கூட பாசாயிட்டார் போல...இவரே பாஸாயிட்டா நாம் கூட பாஸ்தான்” என்ற நம்பிக்கையோட ஒட்டப்பட்டிருந்த காகிதத்தை எட்டி எட்டி பார்த்தார் இந்த சூரியமன்னர்...

கோழிமுட்டையில் கல் அடிச்சது போல நொடுக்கென ஆகியது மன்னர் வெங்கட்டுக்கு...

முப்பது வருடங்களாக முதல் வகுப்பில் பெயிலான மன்னர் முப்பத்தியொன்றாவது வருடமும் பெயிலாகி சரித்திரசாதனை படைத்திருந்தார்...

ஆட்டு மந்தைக்கு நடுவே வேட்டைநாயைபோல வீரமோடு வந்தார் மன்னர்....

தான் தேர்வில் தேர்ச்சி அடையாததன் காரணத்தை அவையில் கூடி ஆராய்ச்சி செய்ய ஆணையிட்டார் மன்னர்....

ஆராய்ச்சி முடிவுகள் வெளிவந்தன....

தேர்வு நேரத்தில் படிக்காமல்

1.தென்னைமரமேறி கிணற்றில் குதிப்பது...

2.ரெட்டை நாயை கண்டால் கல்லால் அடிப்பது...

3.ஒத்தக் காலில் நின்னு சைக்கிள் விடுவது....

4.ஏரியில் மீன் பிடித்து குமரிகளிடம் கொடுத்து, பனைமரத்தடியில் பிரியாணி தின்பது...

5.படிப்பது மண்டையில் ஏறவில்லையானால் காலோரம் வந்த பூனையை எட்டி உதைப்பது...

6.கரப்பான் பூச்சியை காலால் மிதிப்பது.....கட்டுவீரியனை கட்டிபிடித்து முத்தம் கொடுப்பது..

7.சுண்ணாம்பு சுவத்தில் தலையை முட்டிக்கொண்டு விதவிதமாக சிரிப்பது...

8.ஈயை எட்டி உதைக்கிற எருமை மாட்டை வேடிக்கை பார்ப்பது..

9.துருபிடித்த சைக்கிளில் குரங்கு பெடல் போட்டு ஊரை சுத்தியது..

10.பூஜ்யத்தில் ஒன்னு போகுமா என்ற கேள்விக்கு வாய்க்குள் பன்னு போகும்போது பூஜ்யத்தில் ஒன்னு போகாதா என்று பதில் கேள்வி சொன்னது

போன்ற டாப்டென் காரணங்களே போட்ட தண்டவாளததில் ரயில் போவதுபோல வருஷமானா மன்னர் வெங்கட்பெயிலாவதற்கான காரணங்கள்....

இதையெல்லாம் விட தலையாய, அதிமுக்கிய முதல் காரணமொன்று என்னவென்றால் வாயை வைத்துக்கொண்டு சும்மா இல்லாமல் அடிக்கடி

தர்ம அடி வாங்கி தர்மாஸ்பத்திரிக்கு செல்வது.......

டிஸ்கி: கல்லைகூட செதுக்கி சிற்பமாக்கிவிடலாம்...ஆனால் இந்த மரக்கல் மன்னனை முதலாம் வகுப்பில் பாஸ் செய்யவைப்பது....ஹா ஹா ஹா விடாமுயற்சி விஸ்வரூப வெற்றி.......

பகிர் பகிர் லிங்க்: இங்கிலிசு தெரிஞ்சவங்க படிங்க....படால்னு பக்குன்னு ஒரு பகிர் பயங்கர நியுஸ்.....முக்கியமா சமையல் பதிவு போடுபவர்கள்....தெரிந்து கொண்டு எச்சரிக்கையடைய...மைக்ரோவேவ் மக்களை கொல்லுகிறதா......